Virunga Reports

Amakuru yizewe!

Emery Bayisenge yatijwe muri AS Kigali.

Myugariro w’ikipe y’igihugu y’u Rwanda Amavubi Emery Bayisenge, yamaze kumvikana na As Kigali nk’umukinnyi w’intizanyo, kuva mu ikipe yararimo ya Saif Sporting Fc yo muri Bangladesh, bumvikanye ko azakinira iyi kipe mu gihe kingana n’umwaka.

Emery Bayisenge yageze mu Rwanda mu kwezi kwa Gashyantare muri uyu mwaka, aho yari aje mu biruhuko, ahura n’icyorezo cya Covid-19 cyaje gutuma aguma mu Rwanda kugeza magingo aya.

Amakuru dukesha B&B arahamya ko uyu musore yamaze kumvikana n’ikipe afitiye amasezerano yitwa Saif Sporting FC yo muri Bangladesh ko agomba kwerekeza mu ikipe ya As Kigali akaba ayikinira mu gihe shampiyona yo yabo itari yatangira.

Amakuru avuga ko uyu musore azakinira ikipe ya As Kigali mu mwaka utaha w’imikino wa 2020/2021, yawurangiza agahita ajya gusoza amasezerano n’ikipe ye ya Sporting Fc.

Emery Bayisenge amaze iminsi akora imyitozo mu ikipe y’igihugu y’u Rwanda Amavubi aho ari mu bakinnyi bashobora kuzitabira imikino Nyafurika iteganyijwe gusubukurwa mu kwezi kwa Ugushyingo uyu mwaka.

71 Yasuwe
%d bloggers like this: