Virunga Reports

Amakuru yizewe!

Kigali: Abacuruzi n’abamotari bakingiwe Covid-19 – AMAFOTO

Mu gitondo cyo kuri uyu wa Gatanu tariki 12 Werurwe 2021, abacuruzi batandukanye bakorera hirya no hino mu Mujyi wa Kigali bakingiwe urukingo rwa COVID-19.

Ibikorwa byo gutanga inkingo za COVID-19, uyu munsi byakomereje ku bakorera mu masoko atandukanye nko mu isoko rya Kijyambere ryo mu Mujyi rwagati i Nyarugenge, mu isoko rya Ziniya, Gahoromani, na Kabeza ho mu karere ka Kicukiro, mu isoko rya Kimironko na Mulindi mu karere ka Gasabo.

Abacururiza mu isoko rya Kimironko mu Karere ka Gasabo na bo bakingiwe urukingo rwa CIVID-19.

Kuri Sitade Amahoro naho ni hamwe mu habereye igikorwa cyo gukingira abashoferi b’imodoka zitwarira hamwe abagenzi mu Mujyi wa Kigali ndetse n’abatwara amakamyo manini nk’abahura n’abantu benshi mu kazi kabo.

Karamaga François utwara imodoka zitwara abagenzi mu Mujyi wa Kigali gishimiye urukingo rwa Covid19 anashimira ubuyobozi bukuru bw’igihugu bwabatekerejeho.

Ati: “Ndashima Imana ko nanjye nkingiwe urukingo rwa Covid19 kuko byose ni ukubera ubuyobozi bwiza dufite buhora butekereza ku bo buyobora”.

Musingakazi Léah ucururiza mu isoko rya Kimironko mu karere ka Gasabo, avuga ko urukingo yakingiwe bimwongereye ikizere cyo kubaho kuko ngo aho akorera ahura n’abantu benshi batandukanye ku buryo ngo bigoye kwirinda icyorezo cya COVID-19 100%.

Avuga ko nubwo azakomeza gukurikiza amabwiriza yo kwirinda ikwirakwira ry’icyorezo cya COVID-19 ariko ko urukingo yakingiwe arufitiye ikizere.

36 Yasuwe
%d bloggers like this: